Enviado por laborate o ven, 03/10/2008 - 16:15 GMT.
O próximo martes 7 de Outubro, ás 12:00 horas, Urbano Fra
realizará a presentación, no edificio CACTUS do campus de
Lugo da Universidade de Santiago de Compostela (USC), do
libro "Regional/Transboundary Transport of Air Pollution"
editado por Urbano Fra, da USC, e Dimitrios Melas, da Universidade
de Thessaloniki (Grecia).
Esta obra é o resultado do traballo de síntese realizado
por 14 investigadores de varios países europeos sobre o proceso de
contaminación atmosférica transfronteiriza desenvolvido no
marco dun estudio financiado pola Organización do Tratado do Atlántico Norte
(OTAN). Os distintos capítulos tratan sobre o inventario,
monitorización, modelización, avaliación de impacto e xestión
deste risco ambiental de orixe tecnolóxica.
Entre os autores pódese salientar a Zahari Zlatev, un dos
especialistas mundiais máis recoñecidos en modelización
de procesos de transporte e Laszlo Bozo, actual presidente
do Servizo Meteorolóxico de Hungría.
A publicación conta co apoio do Comité Español do
International Human Dimensions
Programme on Global Environmental Change, do
que forma parte o presentador.