Enviado por laborate o mér, 24/06/2009 - 01:34 GMT.
O Laboratorio do Territorio (LaboraTe) da Universidade de
Santiago de Compostela organizará o
congreso ForestSat do 2010.
Este congreso é un xa un dos consolidados, téndose celebrado
anteriormente no 2003 en Edimburgo (Escocia, Reino Unido),
no 2005 en Bocas (Suecia) e no 2007 en Montpellier (Francia).
A edición do 2010 celebrarase en Lugo.
ForestSat é un congreso pensado para que profesionais dos
campos da teledetección, sistemas de información xeográfica
e enxeñería forestal (e disciplinas afíns) intercambien
coñecementos acerca dos bosques. Os bosques son importantes
dende os puntos de vista económico e social, e dende os
anos 90 teñen tamén un papel importante na conservación
do medio ambiente, a loita contra o
efecto invernadoiro
e os procesos de desertización.
Cómpre, polo tanto, coñecelos mellor. Nestes últimos anos
os avances nas técnicas de teledetección
teñen xogado un importante papel no inventariado e caracterización
dos bosques. A posta en funcionamento de novos satélites
e sistemas LiDAR,
ambos con precisións cada vez maiores, fará que a información
dispoñible aumente tanto en cantidade como en calidade,
dando pé a aparición de novas aplicacións, facilitando a
toma de decisións e a avaliación do impacto ambiential destas.
En breve, na páxina web
http://forestsat2010.usc.es/
darase información polo miúdo acerca do congreso (datas,
lugar, call for papers...).