Enviado por laborate o mar, 14/07/2009 - 15:31 GMT.
O Laboratorio do Territorio (LaboraTe) participou na primeira
edición do International Opensource Geospatial Research Symposium,
celebrado en Nantes (Francia) os pasados días 8, 9 e 10 de Xullo.
Estre simposio está organizado polo IRSTV
(Institut de Recherche en Sciences et Techniques de la Ville)
e, como o seu nome indica, é un evento no que expertos en
diversas ramas da investigación xeoespacial analizan e discuten
as aplicacións e o impacto que o software
de código aberto
(open source), e máis en xeral,
a súa filosofía, teñen nos seus respectivos eidos.
Máis polo miudo, o obxectivos deste simposio foron os seguintes:
- presentación de traballos feitos con software de código aberto
- debatir sobre as eivas e beneficios do software de código aberto e maila súa filosofía
- crear unha rede de intercambio de ideas que facilite a colabaración de institucións académicas, autoridades e sector privado en proxectos de diverso tipo
A aportación do LaboraTe foi "An alternative
approach to object oriented classification of historical
black & white aerial photographs using GRASS GIS and R",
traballo no que se utilizan técnicas de clasificación
orientada a obxectos para estudiar a evolución dos distintos
usos do solo (agricultura, gandeiría, forestal...) a
partires de fotografías aéreas. Este traballo fíxose
con GRASS,
que é software de código aberto.