Enviado por laborate o ven, 24/02/2012 - 13:04 GMT.
Expertos de Noruega en tenecia de terras visitaron o pasado
15 de Febreiro o Sistema de Información Territorial
da USC, o LaboraTe e mailo Instituto de Biodiversidade Agraria e Desenvolvemento Rural.
Este grupo de expertos traballa na corte de apelacións consolidación
de terras de Gulating (Noruega), resolviendo, entre outros,
conflitos de lindes de parcelas, dereitos históricos de propiedade,
concentración parcelaria ou disolución de propiedades comunais.
O grupo interesouse pola estrutura da propiedade en Galicia,
o sistema catastral, o Banco de Terras de Galicia,
e a aplicación feita dentro do LaboraTe dos Sistemas de
Información Xeográfica, e tecnoloxías da información en
xeral, en tarefas como xestión de bases de datos espaciais,
concentración parcelaria, xestión forestal ou toma de decisións,
por mencionar algunhas delas.
Entre os visitantes encontrábase Per Kåre Sky,
xuíz de apelacións e profesor da Universitete for Miljø og Biovitenskap
(Universidade Noruega de Ciencias da Vida), quen, ademais,
participa como profesor invitado no máster en Xestión Sustentable da Terra e do Territorio
(MTT) da USC impartindo a asignatura "Negociación e resolución
de conflictos."
ligazóns relacionadas: