Enviado por laborate o mér, 05/12/2012 - 12:58 GMT.
O proxecto Forms for: Adapting to Climate Change through Territorial Strategies!
(F:ACTS!) celebrou a terceira e derradeira Conferencia Rexional
Final, "Resilient areas: connecting climate change to peri-urban and rural development"
os días 29 e 30 de Novembro en Bruselas (Bélxica).
A Consellería de Medio Rural e do Mar
da Xunta de Galicia, e o Laboratorio do Territorio (LaboraTe),
da USC, participaron nas xornadas destinadas a dar a coñecer
as actividades realizadas e os resultados conseguidos no
proxecto financiado pola iniciativa europea INTERREG IVC,
que contou coa participación de 14 institucións de oito
países distintos.
Durante os tres anos de duración - do 1 de Xaneiro de 2010
a 31 de Decembro de 2012 -, o eixe de traballo xirou entorno
ó intercambio de coñecementos e experiencias a través de
reunións, visitas de estudo, talleres temáticos e xornadas
de difusión entre os distintos socios; así como, entre os
principais axentes e institucións de ámbito local dos cinco
proxectos piloto: Monte Carrio (Galicia, España), Strofylia (Grecia),
De Wijers (Limburg, Bélxica), Baixo Vouga Lagunar (Aveiro, Portugal)
e Varna (Severoiztochen, Bulgaria).
A proposta de Estratexias Territoriais Integradas como medio
para o desenvolvemento territorial no marco das particularidades
económicas, ambientales e sociais específicais para cada
unha das zonas piloto, altamente susceptibles a problemas
de inundacións, sequías e incendios como efectos do cambio
climático, foron presentadas na primeira das xornadas de
difusión.
Por outra banda, as principais conclusións e boas prácticas
globais compartidas son aplicables a calquera zona de Europa
con problemas similares. Estas foron recollidas no manual
"Formas de Adaptación ó Cambio Climático mediante Estratexias
Territoriais Integradas", e presentadas na xornada celebrada
o 30 de Novembro.
Os principios de cooperación, participación e compromiso
das partes interesadas, latentes ó longo de toda a experiencia,
estiveron tamén presentes no evento final mediante a recollida
de opinión e a discusión de resultados en sendas mesas de
debate con expertos, representantes políticos e estudantes
de distintas nacionalidades.
A participación na clausura do acto do responsable da
Dirección Xeral de Agricultura e Desenvolvemento Rural
da Comisión Europea, José Manuel Silva Rodríguez, puxo de
manifesto a importancia dos resultados do proxecto de cara
á nova Política Agraria Común
(PAC), dada a influencia do clima na producción agraria
e a importancia da agricultura no equilibrio ecolóxico e
económico local e rexional. Así mesmo, indentificou os resultados
como parte dunha das principais liñas estratéxicas da nova
PAC: fomentar a investigación e o desenvolvemento para lograr
a innovación e permitir adaptar políticas xerais e sectoriais
ás particularidades territoriais.
ligazóns e descargas relacionadas:
- presentación "F:ACTS: Pilot project in Monte do Carrio area (Spain)" (en inglés) [PDF, ~2,3 MB]
- F:ACTS! Handbook (en inglés): http://goo.gl/92IIU