Enviado por laborate o mér, 26/12/2012 - 13:50 GMT.
O pasado 20 de Decembro celebrouse en Lalín (Pontevedra)
unha xornada na que se reuniron os Grupos de Desenvolvemento Rural de Galicia
e mailo LaboraTe.
O principal obxectivo desta xornada era chegar a un consenso
sobre as accións prioritarias a levar a cabo tanto no eido
rural como na xestión diaria dos propios grupos, buscando
sempre unha mellor coordinación para lograr que ditas accións
sexan máis efectivas. Outro dos obxectivos desta xornada
era a busca da novos métodos que fagan máis doado chegar
a propostas consensuadas que conten coa participación de
tódolos axentes.
Espérase celebrar unha xornada adicional a principios de
Xaneiro do 2013. Nesta nova xornada o obxectivo será a busca
de accións concretas para o novo período de financiamento 2014-2020 do programa LEADER
da Unión Europea (UE), onde se prestará especial atención
ás accións que se poden levar a cabo tendo en conta as consecuencias
da presente crise económica, os cambios introducidos na
nova Política Agraria Común
da UE e a evolución do sector agroalimentario.