Enviado por admin o ven, 07/02/2014 - 11:07 GMT.
O prazo do segundo período de novas solicitudes de admisión
en Estudos de Doutoramento ao abeiro do RD 99/2011 amplíase
ata o próximo xoves día 13 de febreiro. Na solicitude formalizada
pola secretaría virtual, os/as solicitantes poderán incluír
os documentos requiridos. A documentación que non fora posible
achegarse por vía telemática, poderá presentarse diante
do órgano competente para a admisión do programa de doutoramento
no que solicitan a admisión, dentro do prazo de solicitude
de admisión. O proceso de admisión realízase por Internet.
En paralelo, modifícanse as datas do procedemento de admisión
en relación ás listas provisorias, período de reclamacións e listas
definitivas. O prazo de formalización da matricula neste
segundo período estenderase do 26 de febreiro ate o 6 de
marzo de 2014. A matrícula realizarase por Secretaria Virtual.
As persoas interesadas en solicitar a admisión nos Estudos
de Doutoramento poden acadar na web da USC máis información
sobre o proceso de admisión e matrícula
así como sobre a oferta de programas de doutoramento.