Enviado por admin o ven, 04/09/2015 - 09:20 GMT.
O noso compañeiro, orientador e amigo Rafa Crecente finou o pasado 1 de
xullo de 2015. Rafa non era unha persoa común, e a súa vehemencia e
sinceridade nunca motivaban a indiferencia dos seus interlocutores.
Temos boa proba no número de persoas que, desde diferentes partes do
mundo, se puxeron en contacto con nós durante estes días para compartir
a súa tristeza: expresamos desde aquí o noso agradecemento a todas
elas.
O Laboratorio do territorio é o froito da súa dedicación ao traballo, o
seu inconformismo, a súa constancia e a súa vontade de superar
continuamente os resultados acadados. Rafa, botarémoste moito de menos,
e trataremos de estar á altura!