Enviado por eva.lopez o sáb, 14/11/2015 - 16:23 GMT.
O 13 de novembro Lalín acolleu o Encontro Rural Imaxinado:
Do presente ao futuro porvir organizado pola rede de grupos
de investigación ReVOLTA, da que forma parte o Laboratorio
do Territorio(Laborate).
Repensar o rural a través de múltiples olladas e dende diversas
formas de facer e pensar o medio rural é o obxectivo do encontro,
que xurdiu como un espazo de discusión critica que nos permita
pensar que alternativas estanse dando ou poden dar no medio rural,
para que este siga sendo ese lugar cheo de vida.
A través deste Encontro pretendeuse apelar a: Que estamos
facendo dende o medio rural para respostar aos reptos que
nos enfrontamos no s. XXI?, e como podemos imaxinarnos o
futuro que esta por vir?. Así lanzouse unha Open Calla aberta
á participación de todos e todas as interesadas e interesados
co fin de poder partillar as diferentes formas de vivir
e pensar o medio rural. Dun total de 25 propostas de presentacións
foron seleccionadas 16, que en palabras do coordinador da
rede, o catedrático de Historia Contemporánea, Lourenzo
Fernández Prieto "son unha mostra ampla do caracter innovador
do medio rural, e da capacidade de repensar outras formas
de habitar o mesmo".
A rede ReVOLTA está composta por sete Grupos de Investigación
que, en Galicia, e dende ámbitos disciplinares diversos
(Economía Ecolóxica; Historia Ambiental; Enxeñería Rural
e Ordenación do Territorio; Economía Agraria), e convoca
este encontro co obxectivo de abrir á investigación ao conxunto
da cidadanía.
O Encontro estivo aberto ao público interesado, e tivo lugar
na Sala de prensa do Concello de Lalín o venres 13 de novembro.
Estruturouse en catro mesas, a primeira en torno a innovación
e a resilencia, contou coa presenza de Manuel López Pérez
da IXP Castaña de Galicia quen analizou A IXP Castaña de
Galicia. Estado actual e novos reptos; posteriormente Elisa
Otero Rozas falou sobre A volta ao campo dende unha mirada
socio ecolóxica; Jose Manuel Andrade abordou a Innovación
no rural desde a iniciativa privada: A Fundación Juana de
Vega e por último Ultra_alimento falou arredor do O ultramarinos
que leva ao extremo o poder do alimento.
Na Mesa Comunidades contouse coa presenza Colectivo Cultural
Ollomao quen explicou A Universidade Rural de Barreiros;
a Asociación ambiental Petón do Lobo analizou A microeconomía
da paisaxe e do territorio. O empoderamento das comunidades
locais para decidir sobre o seu territorio. O patrimonio
estivo presente tamén a través de Ana María Enriquez de
Arquivolta Rural, quen disertou sobre o Proxecto cultural
para cultivar e transmitir o Patrimonio & as paisaxes das
comunidades rurais. E por último nesta mesa, Miguel Pardellas,
do Proxecto Batefogo expuxo a Prevención de lumes forestais
a través da intervención social
Xa pola tarde na mesa de subxectividades Asociación Maisdetres
falou arredor de Asociación Maisdetres: Necesidades persoais
e crenzas colectivas nun rural imaxinado actual, Ángel Amaro
Quintas sobre Tecendo coeducación rural pra erradicar as
Violencias Basadas no Xénero (VBX): despatriarcalizando
aldeas e parroquias dende unha óptica decrecentista e comunitaria;
Marlene Anaya O Rural Imaxinado…como podemos imaxinar un
futuro que está por vir? cunha especial incidencia no ámbito
da política educativa, ao igual que Alicia Pardo, quen abordou
a cuestión do: No camiño doutra política educativa.
E, na última mesa, a de Outras Economías, Cestola na Cachola
analizou a potencialidade de Traballando en rede: economía
social e solidaria desde a pintura; Raul Rios Rodríguez
disertou sobre Os circuítos curtos de comercio de alimentos
na Galiza atual: A difícil construçom de alternativas ao
sistema agroalimentário convencional; Manuel Cebral Loureda
do Alga Lab falará Ver medrar a natureza; e por último contouse
coa presenza de Marcos Besada Álvarez do Espazo Agroecolóxico
A Estruga Creación e xestión dun centro de recursos, aprendizaxe
e investigación no medio rural. Unha perspectiva dende a
xerra do Xistral
O Encontro foi retransmitido por streaming e os vídeos xa están subidos na canle da RedeRevolta
Web ReVOLTA
Evento no facebook
Palabra chave: #ruralimaxinado
Twitter: @rederevolta
