Enviado por eva.lopez o ven, 17/06/2016 - 11:26 GMT.
O LaboraTe vén de participar no IV Encontro de Mocidade
Investigadora celebrado os días 9 e10 de xuño na Facultade
de Ciencias de Comunicación de Santiago de Compostela con
dous pósters e dúas comunicacións orais presentados por
alumnos e alumnas do Programa de Doutoramento en Xestión
Sustentable da Terra e do Territorio. Foron os seguintes:
- Comunicación Oral da Área de Ciencias Xurídicas e Sociais:
Dispersión urbana en Galicia: medición e estimación dos
seus custos (Diego Alberto Arias Prado).
- Comunicación Oral da Área de Ciencias Experimentais e
Tecnolóxicas: Consideraçöes sobre a Paisagem a partir da
perspectiva patrimonial: contribuiçöes para a gestäo do
território (Josélia Gogoy Portugal).
- Comunicación en formato póster da Área de Ciencias Experimentais
e Tecnolóxicas: DTMLabTe. Algoritmo de filtrado para a identificación
de puntos terreo empregando datos LiDAR (Sandra Buján Seane)
- Comunicación en formato póster da Área de Ciencias Xurídicas
e Sociais: Onde enraízan as diferenzas territoriais da mobilidade
de terras?: movéndonos alén dos preceptos clásicos (María
José Enríquez García).
Por outra banda, o Laboratorio do Territorio tamén estivo
presente na táboa redonda "Como afrontar unha estadía de
investigación?", coa presenza de José María Tubío Sánchez
e de María José Enríquez García, esta última como membro
do grupo executivo e loxístico do comité organizador. Asemade,
cabe destacar, a participación de dous profesores da Escola
Politécnica Superior. Trátase de Rosa Mosquera Losada e de
Javier José Cancela Barrio.
O encontro contou cun total de 300 asistentes, dos que 227
participaron con comunicacións. Destas, 69 pertencen á Área
de Ciencias da Saúde, 74 á de Ciencias Xurídicas e Sociais,
50 á de Ciencias Experimentais e Tecnolóxicas e 34 á de
Humanidades.