Publicada por Lab. Territorio
Representantes do LaboraTe desprazáronse recentemente a Alemaña para participar na terceira xuntanza transnacional do proxecto europeo Erasmus+ SFATE (Smart Farming and Technology for Agriculture), acollida pola Universidade Philipps de Marburg.
O proxecto SFATE céntrase na difusión do uso das tecnoloxías da información e ferramentas intelixentes no sector agrario (Smart Farming). Durante este encontro, o consorcio avanzou no desenvolvemento da plataforma web educativa que servirá de punto de encontro entre a oferta formativa e as demandas do mercado laboral neste eido.
Espérase que unha primeira versión en liña estea dispoñible dentro de tres meses para que sexa testada por grupos do público obxectivo do proxecto.