Publicada por Lab. Territorio
No marco dos proxectos de transferencia de coñecemento, o LaboraTe anuncia un novo ciclo de seminarios técnicos encamiñados a abordar a xestión dos espazos forestais dende unha óptica multifuncional.
A xestión do monte enfróntase a desafíos como os lumes forestais, o despoboamento ou o cambio climático. Polo tanto, as aproximacións silvícolas tradicionais requiren complementarse con novos enfoques que poñan en valor o aproveitamento da biomasa, os modelos agroforestais, a gandería extensiva e o pago por servizos ambientais.
A través deste ciclo compartirase coñecemento e casos de éxito a nivel ibérico, con intervencións destacadas tanto de Galicia como do Norte de Portugal (día 22 de 10:00 a 13:30 hora española).
Por cuestións técnicas o número de prazas é limitado.