Enviado por laborate o sáb, 01/17/2009 - 23:39 GMT.
O pasado 18 de Decembro fíxose entrega dun xeo-radar fabricado
pola empresa Malå Geoscience. Dita entrega comprendeu a posta
en marcha e unha demostración do equipo xunto ó edificio CACTUS.
Os xeo-radares teñen un grande número de aplicacións, entre
as cales están a localización de cables, tuberías, alcantarillado,
restos arqueolóxicos, cavidades soterradas ou a clasificación
de rochas.
Este xeo-radar é parte dos novos equipos adquiridos polo
Sistema de Información Territorial da USC
e está dispoñible para tódolos interesados, ó mesmo que
o resto dos equipos.
As principais características do xeo-radar entregado son:
- electrónica de control de antenas conectada á unidade de control por fibra óptica
- antenas apantalladas
- antenas de 100, 250 e 850 MHz
O principio de funcionamento dos xeo-radarfes - tamén coñecidos
polas súas siglas en inglés, GPR (Ground Penetrating Radar)
- é semellante ó dos radares convencionais. Unha antena
emisora envía ó subsolo ondas electromagnéticas nas bandas
UHF e
VHF e outra
antena receptora recolle as ondas reflexadas. O fenómeno
físico da reflexión da onda electromagnética prodúcese cando
a onda emitida choca cun obxecto ou capa de diferente
constante dieléctrica.
A partires das ondas electromagnéticas recollidas pola antena receptora,
un software ad hoc de procesamento de sinal contrúe imaxes
do subsolo, coñecidas como radargramas, aptas para ser interpretadas
por personal entrenado.
Máis información en: