Enviado por laborate o mér, 08/04/2009 - 16:09 GMT.
Un grupo da Universidade de Santiago de Compostela, coordinado
polo profesor Urbano Fra, levará a cabo o programa de investigación
"Escenarios actuais e potenciais de exposición e vulnerabilidade
aos riscos naturais. Integración da mitigación na ordenación
e planificación territorial para o incremento da eficiencia."
O obxectivo deste programa de investigación é mudar a forma
de abordar os riscos naturais que poñen en perigo propiedades
e vidas humanas. O enfoque actual pasa pola xestión da emerxencia
e alertas tempranas que permitan avisar á poboación afectada
con antelación dabondo. Este programa persigue dar un novo
enfoque, consistente en adoptar medidas «antes de que suceda
a catástrofe», segundo declaracións do coordinador.
Así, unha da preguntas que xurden é por qué son elexidos
para asentarse lugares de elevado risco, como, por exemplo,
inundacións ou terremotos. O equipo de investigación traballa
coa hipótese da suma de factores como o descoñecemento dos
riscos, a falla de recursos, que a vinculación ó lugar xa
veña de xeracións anteriores ou que o balance entre beneficios
e riscos sexa favorable ós primeiros.
Un caso de falla de recursos sería o acontecido no barrio
de Cerro de Reyes, en Badaxoz, cando en Novembro do 1997
unha inundación acabou coas vidas de ducias de personas
que alí vivían. O daquela presidente da Junta de Extremadura,
Juan Carlos Rodríguez Ibarra, declarou: «La barriada de
aluvión tiene más de 47 años y la podríamos considerar como
ilegal. Los ciudadanos con pocos recursos económicos iban
haciendo sus viviendas de la forma que ellos consideraban
más oportuna. Todas son viviendas bajas y, como en otros
barrios periféricos de ciudades españolas, cada uno ponía
la vivienda donde podía y no siempre cumpliendo las normas
urbanísticas.»
Outro caso ben distinto sería o da urbanización
Ocean View, no sureste da illa
de Hawai'i, construida sobre un rift
polo que circula a lava que sae do volcán Mauna Loa
cando entra en erupción; semella que a paisaxe e mailas
vistas compensan ós propietarios das casas o elevado risco
de perda destas.
enlaces de interés: