Enviado por laborate o lun, 27/07/2009 - 12:09 GMT.
O pasado 2 de Xullo do 2009, o Concello de Guitiriz
aprobou o Documento de Aprobación Inicial do seu Plan Xeral
de Ordenación Municipal (PXOM). O día 15 de Xullo sae publicado
no Diario Oficial de Galicia o devandito acordo, así como
o periodo de exposición pública do plan, que se extenderá
durante 2 meses, esto é, a partires do 16 de Xullo e ata
ó 16 de Setembro deste ano.
O LaboraTe realizou o Sistema de Información de Guitiriz
(SIGui) que constitúe de por si un Sistema de Información
Xeográfica (SIX) empregado na elaboración do PXOM. Nunha
aposta pola mellora da difusión de información, pola trasparencia
na tramitación do plan xeral e por facilitar o acceso a
tódolos axentes con intereses no PXOM (veciños a título
individual, asociacións veciñais e grupos sociais en xeral,
as propias administracións implicadas no plan xeral...),
o LaboraTe desenvolve o SIX insertado en páxina web (SIX-web)
do plan xeral, que está dispoñible en Internet na dirección
http://www.sigui.es/.
Cómpre salientar que ó estar o SIX insertado nunha páxina
web, os usuarios non precisan nada
máis que un PC con conexión a Internet e un navegador (como,
por exemplo, Internet Explorer), polo que non teñen que
instalar ninguna aplicación adicional.
Este SIX-web, ademáis de facilitar ós veciños a consulta
do PXOM, permite o envío das súas alegacións. A esto hai
que engadir que, grazas a esta ferramenta, calqueira veciño
que viva lonxe do concello poderá consultar a información
do PXOM sen ter que desplazarse ás oficinas municipais.
Posto que, ademáis, o SIX-web está operativo as 24 horas
do día, as consultas e alegacións poden facerse sen restriccións
de horarios.
Para o desenvolvemento do portal, o LaboraTe fixo unha aposta
firme polo software libre,
debido ás vantaxes que ofrece en canto ó abaratamento de
custes - non está suxeito ó pago de licencias comerciais
- e de desenvolvemento, xa que está permitida a súa modificación
para poda ser adaptado ás necesidades particulares de cada
proxecto. Polo que respecta ó rendemento e fiabilidade,
en base a traballos previos propios e alleos, tense comprobado
que son dabondo para o desenvolvemento de aplicacións SIX-web
de este tipo.
Este proxecto desenvolveuse grazas á colaboración de, en
primeiro lugar, o Concello de Guitiriz, a empresa GAU (Gabinete
de Arquitectura e Urbanismo, gau@coag.es),
coa que se realiza o PXOM, e o Grupo de Arquitectura de Computadores
da Universidade de A Coruña.
Por outra banda, este proxecto realizouse dentro do marco
do proxecto de investigación financiado pola Comisión Interministerial
de Ciencia y Tecnología (CICYT) e titulado "Sistema de Axuda
á Decisión Espacial na Ordenación Territorial de Ámbito
Local (SADE-OTAL)", que está financiado polo
Ministerio de Educación.
enlaces de interés: