Enviado por laborate o mar, 09/11/2010 - 12:45 GMT.
O Laboratorio do Territorio
(LaboraTe) de la USC
está a participar no International Workshop on Land Banking and Land Consolidation
que ten lugar ó longo desta semana en Budapest e que é organizado
pola Organización das Nacións Unidas para a Agricultura
e a Alimentación (FAO),
a Axencia holandesa da Auga e da Terra
(DLG) e a rede FARLAND.
Un dos principais obxectivos do seminario é a discusión
dun informe técnico sobre Bancos de Terras que está a ser
elaborado por parte da FAO, e sobre o cal membros do grupo
realizaron a primeira revisión que foi presentada en Budapest.
Dita revisión foi feita en colaboración con persoal do
Banco de Terras de Galicia
(Bantegal). A finalidade é desenvolver un marco de referencia
que sirva como guía no establecemento de Bancos de Terras
en Europa, contando para elo con expertos de 22 países europeos,
tanto do eido das Administracións responsables en materia
de xestión de terras, Universidades e empresas privadas
especializadas.
O instrumento de Banco de Terras esperta gran interese nos
países da Europa Central e do Leste para solventar distintos
problemas relacionados coas estructuras e dinámicos do uso
da terra nas zonas rurais, seguindo o exemplo de experiencias
consolidadas da Europa Occidental. Deste xeito a FAO continúa
as súas actividades en materia de xestión de terras e do
territorio coas que o LaboraTe xa ten colaborado en pasadas
edicións de seminarios temáticos como este (2008, en Praga
e 2009, en Santiago de Compostela).
enlaces: