Enviado por laborate o lun, 11/04/2011 - 15:47 GMT.
O LaboraTe vén de participar, durante os días 5 e 6 de Abril
de 2011, no seminario "Bancos de Terras na Península Ibérica",
que se celebrou en Santiago de Compostela baixo o auspicio
do Banco de Terras de Galicia
e maila Comisión Rexional do Banco de Terras do Principado de Asturias.
O evento contou coa participación de representantes das
tres deputacións forais do País Vasco, o
Instituto Politécnico de Viana do Castelo
(Portugal), da Direcçao Geral de Agricultura de Desenvolvemento Rural
de Portugal e a Organización das Nacións Unidas
para a Alimentación (FAO), co obxectivo principal de intercambiar
experiencias sobre o marco lexislativo e a práctica administrativa
dos Bancos de Terras.
Os participantes coincidiron en salientar a importancia
de instrumentos de xestión como os Bancos de Terras para
frear a tendencia ó abandono da agricultura, manter o emprego
no sector agrario, e compensar os efectos negativos que
sobre as explotacións agrarias poden ter algunhas actuacións
de obras públicas como, por exemplo, a construción de grandes
infraestruturas de comunicación.