Enviado por laborate o xov, 19/05/2011 - 18:20 GMT.
Alicia Cañizares, estudante da Escola Politécnica Superior de Lugo
da Universidade de Santiago de Compostela (USC) e membro
do LaboraTe, acadou o segundo premio da décima edición dos
galardóns nacionais 'San Isidoro' para proxectos fin de
carreira de Enxeñaría Técnica Topográfica, outorgados polo
Colexio Oficial de Enxeñeiros Técnicos en Topografía (COITT).
Cañizares conseguiu o galardón competindo con traballos
presentados dende centros universitarios de toda España
nos que se imparte esta titulación. O proxecto da alumna
da USC, dirixido por María J. Iniesto Alba - profesora de
Enxeñaría Agroforestal - leva por título 'Estudo xeométrico de deformacións con
apoio da tecnoloxía láser escáner. Aplicación á Muralla Romana de Lugo'.
Ambas as dúas recibiron os seus recoñecementos en Madrid,
durante os actos de celebración da festividade de San
Isidoro de Sevilla, patrón dos enxeñeiros técnicos en
Topografía.
enlaces relacionados: