Enviado por laborate o mar, 07/06/2011 - 16:37 GMT.
O pasado 4 de Xuño clausurouse o congreso sobre "As Reservas
da Biosfera como Estratexia Territorial de Sostentabilidade",
organizado polo Laboratorio do Territorio da universidade
de Santiago de Compostela e celebrado no campus
universitario de Lugo. Este congreso encádrase dentro do
proxecto e + s Miño,
financiado pola Fundación Biodiversidad do ministerio de
Medio ambiente, Medio Rural y Marino, dentro do
Programa Empleaverde
A este congreso, que tiña un dobre obxectivo académico e
divulgativo, asistiron unhas 170 persoas e presentáronse
29 comunicacións e 27 pósters nas tres áreas temáticas propostas.
As reservas da biosfera
son un instrumento promovido pola UNESCO
de recoñecemento de hábitats ou ecosistemas de importancia
cuxo obxectivo é compatibilizar a conservación da biodiversidade
e mailo desenvolvemento sostible. O congreso serviu para discutir
sobre o estado e desafíos ós que se enfrontan as reservas
da biosfera, así como para coñecer os puntos de vista das
entidades xestoras, técnicos e representantes das administracións
nacional, autonómica e local.
De entre os actos do congreso, cómpre salientar a celebración
de duas mesas redondas. Nunha delas, representantes dos
xestores das reservas da biosfera de Galicia presentaron
as actividades que están a desenvolver e debatiron acerca
delas. Na outra, representantes de varios concellos pertencentes
á reserva da biosfera Terras do Miño aportaron as súas experiencias
en materia de xestión dos recursos naturais dende o punto
de vista municipal.
Por último, durante o congreso entregáronse os
premios convocados polo proxecto e + s Miño
de desenvolvemento da reserva de la biosfera Terras do Miño
nas categorías de Innovación Empresarial e Xestión do Agua.
O primeiro deles fue entregado á iniciativa Vida de Aldea
(concello de Outeiro de Rei), un proxecto de desenvolvemento
rural que pretende implicar ó consumidor na producción dos
alimentos que consume sen contar coa participación de intermediarios.
O segundo deles ellos foi entregado á empresa Floricultura
Sande (concello de O Corgo), cuxa actividade é o cultivo
de frores e que reutiliza o 98% do agua que consume gracias
a un sofisticado sistema de cultivo hidropónico.
ligazóns relacionadas: