Enviado por laborate o ven, 08/07/2011 - 18:23 GMT.
O vindeiro 15 de Xullo ábrese o prazo de matriculación para
o máster universitario en Xestión Sostible da Tierra e o Territorio.
A data de peche é o 9 de Setembro para os estudantes do
sistema educativo español e o 31 de Agosto para os restantes.
O obxectivo do máster é formar a profesionais que teñan
unha visión integral da planificación, xestión e desenvolvemente
sostibles da terra o territorio. O master foi impartido
por primeira vez no curso académico 2010/2011 e contou coa
participación docente de profesores de universidades alleas
á USC como Harvey Jacobs
(universidade de Wisconsin-Madison, Estados Unidos) ou
Per Kåre Sky
(universidade de Bergen, Noruega). Cómpre tamén salientar
que a cuarta parte dos alunos matriculados no máster era
de fora de España.
Trátase dunha titulación oficial e adaptada ás esixencias
do Espazo Europeo de Educación Superior.
Entre as materias impartidas están xeomática, ordenación
do territorio, políticas de desenvolvemento rural, valoración
de terras, negociación e resolución de conflitos ou planificación
urbana.
Por último, os estudiantes poden optar a becas e préstamos
con xuros preferentes concedidos por organismos oficiais
e fundacións privadas sen ánimo de lucro.