Enviado por laborate o xov, 15/09/2011 - 13:41 GMT.
Xosé Manuel Silva Rodríguez,
director xeral de Agricultura da Unión Europa, concedeu
unha entrevista ó suplemento Mercados
do xornal La Voz de Galicia,
na que falou, entre outros, das repercusións no rural galego
da ordenación do territorio e da próxima reforma da Política
Agraria Común (PAC). Escolmamos a continuación algunhas
das declaracións que se poden ler na entrevista, publicada
o pasado 4 de Setembro.
Acerca da PAC: "Haberá cambios substanciais, e non estou
só a falar da fin da cuotas lácteas, seica o asunto que
mais interés suscita en Galicia. [...] O cambio ou xiro
fundamental, sen duda, será poñer a sustentablidade, con
todo o que comporta, no eixo da PAC. E iso significa que
haberá que acometer de forma práctica cuestións que en demasiadas
ocasións foron esquencidas, en Galicia e noutras rexións,
como por exemplo a ordenación do territorio; é decir, favorecer
o uso da natureza máis racional e rendible que sexa posible."
Un exemplo acerca das consecuencias negativas do déficit
de ordenación do territorio: "Tomemos o caso dos gandeiros.
Dun tempo acá as explotacións galegas cobran o kilo de leite
uns céntimos por debaixo que o seus competidores de outras
rexións europeas. [...] cando o prezo dos pensos era relativamente
baixo a alimentación das vacas era posible sen apenas recorrer
ós pastos, ata o extremo de prescindir deles, e moitos gandeiros
aumentaron o número de cabezas sen que iso esixise incrementar
a superficie de pasto dispoñible. Hoxe, coa suba dos pensos [...]
os gandeiros [...] que teñen superficies de pasto foron
quen de afrontar mellor as cíclicas e inevitabeis variacións
dos prezos. Que se teñan abandonado pastos non explica totalmente
a situación económica de moitos gandeiros galegos, pero ilustra
con claridade e permite decatarse para qué sirve unha axeitada
ordenación do territorio."
Posibles solucións á falta de ordenación do territorio:
"No caso de Galicia, para facer fronte a esa escasez de
pasto ou para afrontar unha explotación máis racional da
súa enorme riqueza forestal conviría acometer reformas xurídicas
e, ademais de cuestións referidas á propiedade, poderíanse
habilitar normas de arrendamento que facilitasen o uso das
numerosas fincas abandonadas, entre as que abundan as adicadas
a pasto, ou o intercambio de terras, ou avanzar con éxito
na que semella inacabábel concentración parcelaria, entre
outros aspectos e fórmulas."