Enviado por laborate o xov, 13/10/2011 - 12:18 GMT.
O vindeiro venres 14 de Outubro, José Manuel Silva Rodríguez
dará a conferencia "As perspectivas financieiras da reforma
da Política Agraria Común". Esta conferencia forma parte
do Máster en Xestión Sustentable da Terra e do Territorio
impartido pola Universidade de Santiago de Compostela.
José Manuel Silva Rodríguez
é director xeral de Agricultura da Unión Europa e nunha
entrevista
concedida hai unhas semanas declarou acerca da nova Política
Agraria Común (PAC): "Haberá cambios substanciais, e non
estou só a falar da fin da cuotas lácteas, seica o asunto
que mais interés suscita en Galicia. [...] O cambio ou xiro
fundamental, sen duda, será poñer a sustentablidade, con
todo o que comporta, no eixo da PAC. E iso significa que
haberá que acometer de forma práctica cuestións que en demasiadas
ocasións foron esquencidas, en Galicia e noutras rexións,
como por exemplo a ordenación do territorio; é decir, favorecer
o uso da natureza máis racional e rendible que sexa posible.".
Por outra banda, esta reforma da PAC non é do gusto de tódolos
axentes; por exemplo, Rosa Aguilar,
ministra de Medio Ambiente do goberno de España, calificouna
de "manifiesto desastre".
A conferencia terá lugar ás 17h no salón de actos da Escola
Politécnica Superior (campus de Lugo), estando a asistencia
aberta ó público en xeral.
ligazóns relacionadas: