Enviado por laborate o xov, 20/10/2011 - 19:40 GMT.
Do 11 ó 13 de Outubro, os investigadores Vasco André Barbosa
e Andrés García Lamparte participaron coas comunicacións
tituladas "A evolución da lei do solo en espazo de núcleos
rurais da Galiza, España" e "Análise da evolución de pequenas
áreas urbanas utilizando análise cluster e regresións loxísticas"
na sétima edición do Congreso de Cidades e Territorios Virtuais,
que foi celebrado en Lisboa (Portugal).
Este congreso vense celebrando dende o ano 2005 e serve
de foro para tratar temas relacionados co uso das novas
tecnoloxías na arquitectura, o urbanismo e o planeamento.
A edición deste ano tivo lugar na Universidade Nova de Lisboa
e foi organizado polo Centro de Investigación en Xeografía
e Planeamento Rexional desta universidade en conxunto co
Departamento de Enxeñaría Civil da Universidade de Coimbra.
Á presente edición asistiron 170 participantes de 30 nacionalidades
diferentes e contou coa intervención de importantes conferenciantes
como Michael Batty,
director do Center For Advanced Spatial Analysis do
University College de Londres
ou Joseph Ferreira
do Departamento de Estudos Urbanos e Planeamento do
Massachusetts Institute of Technology,
entre outros.