Enviado por laborate o lun, 31/10/2011 - 14:08 GMT.
Persoal do LaboraTe participou durante os días 10 a 14 de
Outubro de 2011 na cuarta misión do proxecto "Support for
preparation of a National Land Consolidation Strategy and
a Land Consolidation Pilot Project (TCP/ALB/3301)" en Albania,
por invitación da Organización das Nacións Unidas para a Agricultura e Alimentación (FAO).
A situación da propiedade en Albania caracterízase por unha
elevada fragmentación derivada dos procesos de redistribución
da terra realizados no país despois da desaparición do
sistema socialista a inicios da década de 1990. A participación
como consultores en temas de concentración parcelaria e
bancos de terras tivo como obxectivo contribuír a explorar
as posibilidades dos sistemas de información xeográfica
na web e os sistemas de axuda á decisión para o marco máis
xeral dos proxectos de concentración parcelaria e eventual
aprobación dunha Estratexia Nacional de Concentración Parcelaria
naquel país.
