Enviado por laborate o mar, 15/11/2011 - 20:13 GMT.
O vindeiro 21 de Novembro comezarán as clases do curso
'Xestión da Enquisa de Infraestruturas e Equipamentos Locais (EIEL)',
que será impartido por investigadores do LaboraTe, co apoio
do Sistema de Información Territorial
(SIT) da USC e a Excma. Deputación Provincial de Lugo.
A Enquisa de Infraestructura e Equipamentos Locais (EIEL)
é o instrumento básico de análise e valoración das necesidades
de dotacións locais para efectos da cooperación económica das
entidades locais co estado. Está elaborada polas deputacións
provinciais segundo unha metodoloxía común dada polo
Ministerio de Política Territorial
(MPT). A EIEL está regulada a nivel estatal nos R.D. 835/2003,
do 27 de Xuño, e na APU/293/2006, do 31 de Xaneiro.
Os destinatinarios deste curso son os responsables da xestión
das infraestruturas e equipamentos tanto dos concellos da
provincia de Lugo como da deputación provincial. Os principais
obxectivos do curso, na súa maioría práctico, son a difusión
da EIEL e facilitar a xestión da información e a prestación
de servizos por parte das administracións locais mediante
o uso de Sistemas de Información Xeográfica.
Respecto ós contidos do curso, este principiará cunha introducción
teórica na que se presentarán os Sistemas de Información
Xeográfica e o modelo de datos empregado pola EIEL.
Os contidos de prácticos consistirán en exercicios coa aplicación
informática gvSIG,
ferramenta que coidamos que é moi axeitada para dotar ós
concellos de tecnoloxías SIX debido ó seu rico conxunto
de funcionalidades, a súa licencia de código aberto e o
seu reducido custe (non hai que pagar licencias), e máis
neste entorno de crise económica. Partindo dos datos xeográficos
da EIEL da provincia de Lugo,
os alumnos adquirirán habilidades como:
- Cálculo de distancias a infraestruturas.
- Cálculo da densidade de alumeado público.
- Determinación dos límites das entidades singulares de poboación segundo os criterios do Instituto Nacional de Estatística.
- Ubicación de infraestruturas e equipamentos: depósitos, depuradoras, centros sanitarios, centros de ensino...
- Conexión a outras fontes de información, como servizos Web Map Service.
Para obter o Certificado de Aproveitamento, os asistentes ó curso deberán aprobar un examen de carácter voluntario.
O lugar, datas e horarios de impartición previstas para este curso son os seguintes:
ligazóns relacionadas: