Enviado por laborate o dom, 25/12/2011 - 17:21 GMT.
O pasado 20 de Decembro Manuel Borobio Sanchiz, máximo responsable
da Dirección Xeral de Sostibilidade e Paisaxe
da Xunta de Galicia, impartiu no campus de Lugo a conferencia
"O plan do litoral e a nova estratexia da paisaxe", no marco do
Máster en Xestión Sustentable da Terra e do Territorio (MTT).
Na súa intervención explicou o proceso de redacción do
Plan de Ordenación do Litoral
(POL) e incidiu sobre a metodoloxía utilizada na redacción
deste documento, particularmente nos criterios usados para
delimitar a área litoral galega. A paisaxe, os compoñentes
xeolóxico e xeomorfolóxico, así como os procesos bióticos
costeiros foron elementos clave á hora de delimitar, aínda
que tamén sinalou que o obxectivo do POL era integrar a
parte natural (a biótica) coa parte humana (antrópica),
é dicir, tratar de lograr que usos e actividades humanas
estivesen en equilibrio.
Por último, fixo unha valoración inicial do POL, tras un
ano en vixencia, indicando como as súas 10 determinacións
influíron no planeamento municipal e en políticas sectoriais
como a acuícola. A súa intervención terminou cun debate
cos alumnos do máster, onde se reflexionou sobre a ordenación
do territorio en Galicia, o función do futuro Instituto
de Estudos do Territorio e a nova estratexia da Paisaxe
para Galicia como unha extensión da metodoloxía utilizada
no POL.
ligazóns relacionadas: