Enviado por laborate o mér, 01/02/2012 - 11:24 GMT.
O proxecto F:ACTS!
(Forms for Adapting to Climate Change through Territorial Strategies!)
celebra dende o 30 de Xaneiro ata o 2 de Febreiro o seminario
internacional Integrated Planning for Multifunctional Land Use.
No seminario, que se celebra en Vilna (Lituania) e conta
coa participación de delegacións de 6 países europeos, abórdase
o concepto dos plans de xestión de terras integrada.
Dous membros do LaboraTe, que coordina unha das compoñentes
do proxecto, participan neste evento, onde se discuten como
aspectos clave deste enfoque a importancia da mellora e
innovación da gobernanza, a consideración central da participación
dos diferentes axentes e a búsqueda do carácter multifuncional
do territorio a través da actuación nas estruturas fundiarias
e de uso da terra (xestión de terras) en coordinación con
outras accións de desenvolvemento rural.