Enviado por laborate o mér, 15/02/2012 - 15:41 GMT.
Ó longo desta semana estase a celebrar en Budapest o
3º Seminario Internacional da rede LANDNET,
no que se aborda o desenvolvemento dos mercados de terras
e a xestión de terras. Este seminario está organizado pola
Organización das Nacións Unidas para a Alimentación (FAO),
o Servizo de Xestión da Auga e o Territorio do goberno de
Holanda (DLG) e a rede Farland, e conta coa participación
de de dous membros do LaboraTe.
Este evento reúne na oficina rexional da FAO en Budapest
a delegacións de 27 países de Europa e Asia occidental.
A creación e fortalecemento da rede LANDNET
vén a demostrar como as cuestións da terra e a súa relación
coa sustentabilidade dos territorios seguen a ser un aspecto
central na actualidade, e con maior urxencia naqueles lugares
nos que, como o caso de Galicia, as estruturas de propiedade
e de xestión territorial non foron quen de adaptarse ás
dinámicas sociais e ambientais das últimas décadas.
No seminario foi presentado o primeiro borrador do documento
técnico 'Land Banks and Land Funds: Instruments for Rural Development',
impulsado pola FAO e en cuxa elaboración esta a participar
o LaboraTe de xeito activo.
ligazóns relacionadas: