Enviado por laborate o ven, 17/02/2012 - 20:23 GMT.
O profesor Rafael Crecente Maseda, como director do LaboraTe
e coordinador do Máster en Xestión Sostible da Terra e do Territorio
(MTT), vense de reunir con Fernanda Guerrieri,
coordinadora subrexional da Organización das Nacións Unidas
para a Alimentación (FAO) para Europa central e oriental
e representante rexional adxunta para Europa e Asia Central.
A xuntanza enmárcase na colaboración que dende o ano 2008
mantén a USC a través do LaboraTe coa FAO en materia de
xestión de terras.
Nesta xuntanza abordáronse temas de interese mutuo, e especialmente
a búsqueda da innovación nos modelos de gobernanza da terra
en situacións de elevada fragmentación. Nese sentido, a
FAO reafirma a súa vontade de continuar a traballar nesa
liña e amosou o seu interese en colaborar na difusión das
actividades de investigación, desenvolvemento e transferencia
que nese eido está a levar a cabo o LaboraTe.