Enviado por laborate o mér, 29/02/2012 - 23:50 GMT.
Os estudiantes do máster en Xestion Sostible da Terra e do Territorio
(MTT) visitaron o pasado 27 de Febreiro a 'Casa de Vázquez',
unha explotación gandeira ubicada no concello de Láncara,
provincia de Lugo.
O obxectivo desta visita era coñecer na práctica o funcionamento
e problemas ós que se ten que enfrontar unha explotación
gandeira tradicional, e os seus proxectos de futuro, entre
os que están a creación dun museo de maquinaria agrícola
clásica. Houbo unha charla sobre a historia e o presente
da explotación, seguida dun debate acerca da viabilidade
e posibilidades de futuro deste tipo de explotacións.
O máster MTT, que imparte a USC, busca formar a profesionais
na planificación de usos do solo, que deben estar familiarizados
«coa teoría e práctica dos procesos de avaliación e planificación,
de análise de datos e información, nunha serie de contextos
diversos no sector público, a empresa e a investigación
académica.» Mália que a maior parte dos estudiantes do máster
MTT son titulados universitarios en materias relacionadas
co sector agroforestal, hai titulados en Informática, Topografía,
Obras Públicas ou Bioloxía, o que garante unha aproximación
multidisciplinar á temática central, que é a terra como
factor e condicionante do desenvolvemento do territorio.
ligazóns e descargas relacionadas: