Enviado por laborate o ven, 09/03/2012 - 13:18 GMT.
O Grupo de Investigación en Economía Ecolóxica e Agroecoloxía
(GIEEA) da universidade de Vigo organiza o
IV Congreso Internacional de Agroecoloxía e Agricultura Ecolóxica,
que se celebrará do 21 ó 23 de Xuño en Vigo. Este congreso
é unha das accións da rede Revolta, da que o GIEEA é parte.
O obxectivo deste congreso é compartir experiencias agroecolóxicas
innovadoras que se estén a desenvolver en cualqueira parte
do mundo, cuxa posta en marcha é «unha tarefa colectiva
na que participan políticos, científicos, campesiños, consumidores
e as súas asociacións». Estes novos modos de produción procuran,
entre outros, a dinamización do medio rural e maila súa
sustentabilidade.
O congreso está estruturado a redor das tres dimensións
da agroecoloxía: técnico-produtiva, política e sociocultural:
- A dimensión técnico-produtiva céntrase na análise de innovacións agroecolóxicas nos ámbitos vencellados ós manexos agrogandeiros, aproveitamento de montes e recursos fitoxenéticos.
- A dimensión política céntrase na análise dos aspectos normativos, a súas distintas manifestación na cadea agroalimentaria, así como na construcción de alternativas e respostas políticas dende a sociedade civil.
- A dimensión sociocultural céntrase no estudo dos valores e cosmovisións e o coñecemento tradicional do campesiño.
ligazóns de interese: