Enviado por laborate o xov, 15/03/2012 - 20:08 GMT.
O profesor Ramón Villares,
catedrático de Historia Contemporánea da USC, impartiu o
pasado 6 de Marzo o seminario "Posesión da terra e xestión
do territorio: Unha perspectiva histórica", abordando dende
unha perspectiva histórica as institucións de propiedade
en Galicia e a súa relación coas dinámicas sociais e a xestión
do espazo. Ramón Villares obtivo en 1980 o seu título doutor
en Historia coa tese "La evolución de las estructuras agrarias
en la provincia de Lugo. Propiedad y rentas de la tierra."
Este seminario é parte do máster en Xestión Sustentable da Terra e do Territorio (MTT).
Nun repaso da historia dos últimos 8 séculos, o profesor
Villares identificou diversos procesos de cambio nesas relacións
de propiedade que, paradóxicamente, mantiveron certa estabilidade
no sistema agrario tradicional, que se mostraba armónico
e coherente.
Non obstante a partires, sobre todo, da década dos 60 os
cambios téñense acelerado, e a xestión tradicional da propiedade
desapareceu. Para o profesor Villares o reto agora pasa
por atopar unha alternativa nas relacións e institucións
de propiedade adaptada ó século XXI que permita voltar a
xestionar o territorio galego.