Enviado por laborate o lun, 07/05/2012 - 14:23 GMT.
Óscar Rivas, secretario da Asociación Galega de Custodia do Territorio
(AGCT), vén de participar no Máster en Xestión Sustentable da Terra e do Territorio
(MTT) no que abordou o concepto, as estratexias e situación
actual da Custodia do Territorio (CT) tanto en Galicia como
no resto de España.
A AGCT é unha organización sen ánimo de lucro cuxo fin é
a conservación dos valores naturais, e paisaxísticos do
territorio galego. Recentemente ten participado, xunto con
outras asociacións, nun proxecto de recuperación e mellora
do bosque autóctono na comarca dos Ancares lucenses.
A CT plantéxase como un instrumento para a conservación
da natureza e a paisaxe que promove a participación dos
propietarios dos terreos, a sociedade civil, a cidadanía
e a empresa privada. Óscar Rivas salientou que a CT ten
un carácter complementario, e non substitutivo, doutras
iniciativas e políticas públicas que buscan preservar a
biodiversidade e maila paisaxe. Fixo fincapé, ademais, na
importancia que os sistemas agrarios poden ter para a CT.
A participación de Óscar Rivas no curso de Instrumentos
de Xestión de Terras é unha das actividades de colaboración
existentes entre o MTT e a AGCT, que perseguen fortalecelas
no medio e longo prazo conscientes das sinerxias positivas
que redundarán no impulso dunha xestión máis sostible do
territorio.
ligazóns relacionadas: