Enviado por laborate o mér, 13/06/2012 - 09:58 GMT.
O pasado luns 11 de Xuño dous profesores do LaboraTe, Francisco
José Ónega e mailo seu director, Rafael Crecente , asistiron
en Bruxelas (Bélxica) a unha xuntanza de traballo na sede
da Dirección Xeral de Agricultura
da Comisión Europea.
Por parte desta institución participaron o seu director
xeral, José Manuel Silva Rodríguez - que é tamén profesor
no masterterra, o máster en Xestión Sustentable da Terra e do Territorio
impartido pola USC -, Paolo Poinelli, asistente do diector
xeral, Pierre Bascou, xefe da Unidade de Análise da Política
Agrícola e Perspectiva e Efthimios Bokias, xefe de unidade
adxunto para España e Portugal. A reunión contou tamén coa
participación de Frank van Holst, responsable de cooperación
internacional para a rexión noroeste do Servizo de Xestión
da Auga e o Territorio do goberno de Holanda (DLG) e xestor
das redes Farland e LandNet.
O principal obxectivo do encontro, que se desenvolveu durante
mais de dúas horas, foi o de abordar as cuestións de propiedade
e uso da terra no marco da Politica Agrícola Común
(PAC) da Unión Europea e o desenvolvemento rural. Analizáronse
as relacións e a influencia mutua existentes entre as politicas
agrarias clásicas da UE e a situación e dinámicas das estruturas
fundiarias. A finalidade última é atopar sinerxias entre
as accións a nivel europeo e as estratexias e instrumentos
nos niveis local e rexional, coa visión integradora que
caracteriza ó masterterra, foro no que Silva Rodriguez abordou
estes aspectos durante o curso académico 2011-2012.
Un dos retos de moitas rexións europeas segue a ser o de
atopar as vías axeitadas para a adaptación das estruturas
de propiedade e uso da terra ós desafíos socioeconómicos
e ambientáis que plantexarán a futura PAC e a Estratexia Europa 2020.
Eso precisará, en palabras do propio Silva Rodríguez, das
sinerxías entre as políticas europeas e as nacionais/rexionais
que coordinen e fortalezan ámbolos dous enfoques.
Esta xuntanza foi a primeira dunha serie de actividades conxuntas nesta temática.