Enviado por laborate o mar, 14/08/2012 - 18:42 GMT.
O LaboraTe vén de participar cunha ponencia no congreso
da Asociación Europea de Escolas de Planificación
(AESOP) que se celebrou en Ankara (Turquía) do 11 ó 15 de
Xullo.
A comunicación presentada trata de entender por qué en Galicia
hai un número moi reducido de municipios que teñen adoptado
a lei Ordenación Urbanística e Protección do Medio Rural de Galicia,
mentras que unha maioría ou non o fixeron ou no ano 2012
están aínda en proceso.
Ata a década dos 60 do pasado século, Galicia era unha rexión
maioritariamente rural. Unha das consecuencias que tivo o
crecemento económico que empezou a experimentar Galicia naqueles
anos foi unha emigración masiva do campo á cidade. Pola contra,
na década dos 90 prodúxose un fenómeno de contra-urbanización.
O resultado final son numerosos espazos de carácter "rururbano",
caracterizados por ter inicialmente usos de natureza rural
e por simultanear na actualidade estes usos xunto con outros
moi diferentes, como residenciais ou industriais.
Co fin de frenar este desorde aprobouse no ano 2002 a devandita
lei de ordenación urbanística, cuxo cumplimento por parte
dos municipios, mália ter pasado preto de 10 anos, dista
moito de ser maioritario: só 30 municipios galegos teñen
aprobado un plan de ordenación urbanística, mentras que
222 están aínda en proceso e 18 non teñen iniciado os trámites
necesarios.
A comparación entre a situación de diversos municipios tendo
en conta variables como densidade de población, número de
permisos de construcción, porcentaxe de poboación adicada
actividades agroforestais ou prezos da terra non explica
por qué hai municipios de natureza semellante que teñen
adoptado decisións distintas respecto a cumprir esta lei.
Con todo, pódense chegar a algunhas conclusións. Entre os
motivos que levaron a algúns municipios ter un plan de ordenación
están facilitar o crecemento urbanístico ou atraer industrias
a establecerse no seu territorio. Por outra banda, entre
os motivos que levan a unha maioría de municipios a non
ter un plan de ordenación están os conflictos derivados
dos distintos usos do solo ou a creenza de que ter un plan
non vai a solucionar ningún dos problemas existentes.
Por último, cómpre salientar que celebrouse tamén o 25 aniversario
do primeiro congreso da AESOP, sinalando gran parte dos
conferenciantes invitados que hai unha necesidade de planificación
nun mundo cada vez máis incerto.
ligazóns e descargas:
- páxina web do congreso: http://www.arber.com.tr/aesop2012.org/
- presentación "Aversion and attachment to rules. An institutional approach to understanding why localities adopt (or reject) land-use planning." (en inglés) [PDF; ~2,1 MB]