O LaboraTe participa cunha comunicación no simposio "Cellular Automata Modeling for Urban and Spatial Systems"

Enviado por laborate o lun, 19/11/2012 - 11:44 GMT.

O LaboraTe vén de participar no simposio Cellular Automata Modeling for Urban and Spatial Systems (CAMUSS), celebrado do 8 ó 10 de Novembro, coa comunicación titulada "Calibración dun modelo de autómata celular mediante a utilización de técnicas estatísticas e un algoritmo xenético".

simposio Cellular Automata Modeling for Urban and Spatial Systems (CAMUSS)

O evento celebrouse na Fundación Serralves, en Porto (Portugal), e nel participaron as figuras máis representativas da investigación no eido do modelado de procesos espaciais mediante autómatas celulares e modelos de axentes. Entre os participantes cabe salientar a Roger White e Guy Engelen, creadores do modelo Metronamica; Helen Couclelis, xeógrafa da Universidade de California-Los Ángeles, que sentou as bases para adaptar os autómatas celulares á simulación de procesos de crecemento urbano; ou Michael Batty, editor da revista Environment and Planning B e director do Centre for Advanced Spatial Analysis do University College de Londres.

O simposio rematou cunha mesa redonda na que se expuxo que os procesos espaciais son complexos e, polo tanto, poden evolucionar de maneiras moi diferentes. Por elo, os esforzos futuros deben dirixirse a intentar simular os procesos e centrarse en representar a evolución dos mesmos, deixando de lado o obxectivo de acadar resultados que coincidan coa realidade.

descargas:

  • presentación "Calibration of an urban cellular automata model by using statistic techniques and a genetic algorithm. Application to a small urban settlement of NW Spain." (en inglés) [PDF, ~965 kB]
english español