Enviado por laborate o lun, 03/12/2012 - 12:35 GMT.
Do 12 ó 15 do pasado mes de Novembro tivo lugar en Budapest
(Hungría) o 4th Fourth International Workshop on Land Market Development and Land Consolidation.
Neste seminario participaron dúas organizacións galegas.
Dunha banda o Laboratorio do Territorio, da USC, e doutra
a Consellería do Medio Rural e Mar da Xunta de Galicia,
con representantes do Banco de Terras de Galicia
e da Dirección Xeral de Desenvolvemento Rural.
No seminario, organizado pola Oficina Rexional da
FAO
para Europa e Asia Central e o Servicio do Goberno Holandés para a xestión da Terra e da Auga,
participaron delegacións de 30 países europeos que están
a traballar en materia de xestión de terras no marco do
desenvolvemento rural. Nesta edición abordáronse 2 temas
principalmente. Dunha banda analizáronse diversos aspectos
do funcionamento dos mercados de terras a través de estudos
de caso de diferentes rexións europeas. Ademais, discutiuse
sobre a relación existente entre ditas dinámicas e o marco
comunitario de apoio ó desenvolvemento rural.
Finalmente, os diferentes membros da rede LandNet
discutiron e elaboraron propostas para levar adiante o programa
de traballo do próximo período 2013 - 2015. Un dos principais
aspectos abordados foron as vías para consolidar a rede,
os temas de maior interese e o tipo de actividades máis
axeitadas para favorecer o intercambio de experiencias e
coñecemento.
descargas: