Enviado por admin o ven, 12/06/2015 - 09:34 GMT.
Inés Santé Riveira coa conselleira de Medio Ambiente, Territorio e Infraestruturas, Ethel Vázquez.
Autor: Xoán Crespo Fonte: Xunta de Galicia
A profesora Inés Santé foi nomeada o pasado venres directora
do Instituto de Estudos do Territorio. Inés Santé Riveira
é doutora pola Universidade de Santiago de Compostela e
viña exercendo como investigadora no Laboratorio do Territorio
da USC no eido da planificación urbana e do uso do solo
no medio rural, así como nos sistemas de información xeográfica
e nos modelos e técnicas de ordenación territorial. A nivel
docente era profesora contratada doutora da área de Enxeñería
Cartográfica, Xeodésica e Fotogrametría do Departamento
de Enxeñería Agroforestal.
O Instituto de Estudos do Territorio é un organismo autónomo
da Xunta de Galicia adscrito á Consellería de Medio Ambiente,
Territorio e Infraestruturas e que ten entre outros cometidos
a realización de estudos e actividades de planificación
para avanzar cara ao equilibrio entre o mellor aproveitamento
dos recursos naturais de Galicia e a correcta conservación
dos elementos definitorios do país.
Dende o Laboratorio do Territorio desexámoslle moita sorte nesta nova andaina.
http://www.xunta.es/notas-de-prensa/-/nova/3427/ethel-vazquez-trasladalle-nova-directora-instituto-estudos-territorio-caracter