O Campus de Especialización Campus Terra puxo en marcha un programa de accións formativas gratuítas de diversas temáticas que se desenvolverán nos meses de setembro, outubro e novembro.
O obxectivo destas actividades é fomentar e complementar a formación continua do PDI do Campus de Lugo, potenciar coñecementos transversais entre o alumnado de graos e mestrados, e mellorar a capacitación de profesionais vinculados ás áreas de coñecemento do Campus Terra.
Dentro desta oferta formativa está a desenvolverse o curso “Emprego de QGIS” que ten lugar os días 26 e 28 de outubro e 2 e 4 de novembro de forma presencial e é impartido polo persoal do LaboraTe.
O curso ten como obxectivo coñecer e manexar conceptos e ferramentas que ofrece o programa QGIS para a creación, edición, análise e presentación de información xeográfica, tanto en formato vectorial como ráster.
Máis Información sobre os cursos en:
https://www.usc.gal/gl/campusterra/cursos
https://www.usc.gal/gl/campusterra/eventos/curso-emprego-qgis
Español
Inglés