O proxecto H2020 Sherpa acaba de publicar os resultados das discusións levadas a cabo neste ano 2022 nas 40 plataformas multiactor (MAPs) distribuídas por toda Europa, entre as que se encontra a galega, coordinada pola USC.
Entre as temáticas dispoñibles para traballar no proxecto, neste ciclo a MAP de Galicia fixouse como obxectivo reflexionar sobre a realidade actual e os factores que condicionan a calidade de vida e as relacións sociais nas áreas rurais. Os membros da MAP, entre os que se encontran axentes do ámbito da ciencia, política e sociedade, trataron de dar resposta a catro cuestións chave:
Cales son as necesidades en Galicia en relación coa dimensión social nas áreas rurais?
Que intervencións políticas xa están en marcha e que exemplos de accións emprendidas polos actores locais abordan estas necesidades en Galicia?
Que intervencións políticas (é dicir, instrumentos, medidas) recomendan aplicar a nivel local, rexional e/ou estatal os membros da MAP? Como pode a UE apoiar esas intervencións?
Cales son as lagoas de coñecemento e que proxectos de investigación son necesarios?
Os resultados de todo o traballo desenvolvido están agora dispoñibles na seguinte publicación:
MAP Position Paper (Spain, Galicia) - Social dimension of rural areas (2022)
Guimarey Fernández, Beatriz; Ferreira Golpe, Miriam; Pérez Fra, Mar; Isabel García Arias, Ana; Vázquez González, Ibán; Ríos Rodríguez, Raúl; López Iglesias, Edelmiro
https://doi.org/10.5281/zenodo.7249540
O proxecto encara agora o seu último ano de traballo, no que se centrará na gobernanza das áreas rurais, con especial interese na mellora da formulación e coordinación entre políticas de distintos niveis administrativos (local, autonómico, nacional e europeo) que teñan impacto nas áreas rurais.
Máis información:
Sobre a MAP galega e Sherpa: https://rural-interfaces.eu/maps/spain-galicia/
Español
Inglés