Enviado por laborate o mér, 29/08/2012 - 15:28 GMT.
Entre os días 11 e 23 do pasado mes de Xullo varios investigadores
do LaboraTe, visitaron Ecuador para dar comezo ó proyecto
"Ecuador Territorio Intelixente: apoio á Investigación, Desenvolvemento, Transferencia e Innovación en Ordenación do Territorio e Tecnoloxías da Información Xeográfica"
(ECU IDTi), financiado por Cooperación Galega.
Cooperación Galega pertence á Dirección Xeral de Relacións
Exteriores e coa Unión Europea da Xunta de Galicia. O proxecto
EDU IDTi ten o número de expediente PR 803 D 2012/59.
reunión con profesores e investigadores da carreira en Enxeñería
Xeográfica e Medio Ambiente na ESPE
Este proxecto está coordinado polo LaboraTe - grupo de investigación
1934-TB da Universidade de Santiago de Compostela (USC)
- e o Grupo de Arquitectura de Computadores,
da Universidad de A Coruña (UdC).
reunión na FLACSO co doutor Francisco Carrión
Por parte ecuatoriana, este proxecto conta coa participación
de varias universidades deste país coas que a USC ten acordos
de colaboración: Facultad Latinoamericana de Ciencias Sociales,
Escuela Politécnica del Ejército,
Universidad del Azuay,
Universidad de Cuenca,
Universidad Nacional de Loja e a
Escuela Politécnica del Litoral.
O presupuesto asignado ascende a 266.338,4 EUR e as diversas
acción do proxecto terán lugar entre Xullo de 2012 e Novembro
de 2013. Entre as devanditas accións están:
- Celebración dun seminario internacional en Ecuador sobre Ordenación do Territorio (OT) e Tecnoloxías de Información Xeográfica (TIX).
- Promoción e animación para crear unha rede ecuatoriana de I+D+T+i.
- Sete becas de especialización para cursar estudios de postgrado no Máster Universitario en Xestión Sustentable da Terra e o Territorio, impartido pola USC.
- Deseño dun programa de doutoramento conxunto entre as universidades participantes con especialización temáticas.
- Seminarios intensivos de especialización sobre OT e TIX.
- Deseño dun centro piloto de investigación sobre OT e TIX.
- Transferencia de investigación dende o LaboraTe e a Fundación Universidade de A Coruña na utilización de tecnoloxías LiDAR e SIX-Web para dar servizo ós Gobiernos Autónomos Desentralizados a través das universidades ecuatorianas participantes.
reunión de traballo con responsables do SENPLADES, rexión sur
Como resultado principal do traballo realizado, identificáronse
outras universidades - categoría A, mandato 14 - interesadas
en participar neste proyecto. Por outra banda, preténdese
extender a rede de cooperación a outras instituciones públicas
e privadas.
reunión con profesores das universidades de Cuenca e do Azuay
e co profesor Domingo Gómez-Orea, da Universidade Politécnica de Madrid