Beatriz Guimarey Fernández
TÉCNICO
Beatriz é Enxeñeira de Montes e Máster en Xestión Sustentable da Terra e do Territorio pola Univ. de Santiago de Compostela (USC). Dende o ano 2009 está vinculada ó grupo de investigación Te-Bio/LaboraTe.
Comezou a súa andadura especializándose na captura e análise de datos e información xeoespacial para ordenación territorial, collaborando tamén en numerosos proxectos da plataforma tecnolóxica do Sistema de Información Territorial (SIT) da USC.
Da análise territorial pasou a colaborar en proxectos de I+D+i a nivel europeos no ámbito da xestión do territorio e dos recursos rurais, e a gobernanza das áreas rurais. A maioría dos seus proxectos pivotan ó redor de tres eixos: aceleración da transferencia de coñecemento e a innovación, mellora e deseño de políticas públicas con impacto no rural, gobernanza e desenvolvemento rural. Complementariamente, forma parte da equipa de comunicación do grupo do Laboratorio do Territorio, coordinando contidos e actividades de difusión.
En liña co anterior, dende o ano 2015 Bea é membro activo da EU CAP Network | EIP-AGRI (anteriormente EIP-Agri Service Point). Promovida pola Comisión Europea, a EIP-AGRI conecta agricultores e gandeiros, asesores, investigadores, empresas, cidadanía e demais actores co obxectivo de axudar a construír fluxos de coñecemento sólidos e acelerar a innovación na agricultura, a silvicultura e as zonas rurais. Na EIP-AGRI, Bea lidera a División D, temáticamente centrada en retos socioeconómicos clave no medio rural, como a renovación xeracional, o emprego, a igualdade e a promoción da bioeconomía circular e da silvicultura sostible. Tamén participa na organización e dinamización de actividades de transferencia (grupos focais, seminarios e workshops).
Correo electrónico: beatriz.guimarey@usc.es
Orcid: 0000-0001-9763-9369
| Data fin | Liñas | Título e Investigadores |
|---|---|---|
| 2010 | - | Realización de un estudio topográfico de la Muralla Romana de Lugo mediante tecnología escáner láser 👥 Rafael Crecente Maseda, Inés Santé Riveira, David Miranda Barrós, Miguel Cordero Souto, Beatriz Guimarey Fernández |
| Tipo | Ano | Liñas | Título e Autores |
|---|---|---|---|
| Congreso | 2015 | - | Gis aplicado a estudios de arqueometría cerámica como aportación novedosa |
| Congreso | 2015 | - | Emprego das novas tecnoloxías para facilitar o acceso do alumnado a un Máster da USC |
| Publicación | 2015 | - | Bell Beaker pottery from Galicia (NW Spain): Archaeometric characterization and provenance study of some representative sites |
| Publicación | 2014 | - | Geolocalización de yacimientos, piezas y resultados de análisis de muestras. 2ª parte. 👤 David Miranda Barrós, Beatriz Guimarey Fernández, Miguel Cordero Souto, Lántes Suárez, O., Díaz Rodríguez, M. |
| Congreso | 2014 | - | Gis aplicado a estudios de arqueometría cerámica como aportación novedosa |