Premios Rafael Crecente

Os Premios “Rafael Crecente” están orientados a xóvenes titulados e buscan impulsar a formulación e aplicación práctica de ideas innovadoras relacionadas co desenvolvemento rural, a conservación do medio ambiente ou a mellora da xestión territorial en sentido amplo en Galicia.

Os premios son convocados anualmente dende 2017 pola Universidade de Santiago de Compostela a través do Instituto de Biodiversidade e Desenvolvemento Rural (IBADER) e o Laboratorio do Territorio (LaboraTe). Son unha homenaxe á labor desenvolvida polo Dr. Rafael Crecente Maseda, profesor titular do Departamento de Enxeñería Agroforestal da Escola Politécnica Superior de Lugo e considerado coma un dos grandes expertos en xestión territorial de Galicia.

Información completa

Últimos premiados

VIII Edición – 1° Premio

SMARTERRAE: formación científica aplicada no territorio e medioambiente dende etapas iniciáis (Lorena Salgado e Rubén Forján)

VII Edición – 1° Premio

Establecemento dun sistema silvopastoral no monte público de Rascalobos (Traba de Laxe, A Coruña). (Alejandro Álvarez Fernández)

VI Edición – 1° Premio

Estudo sobre recuperación de terras agrarias de Galicia: “Aldeas Modelo” (Dª Marta Gómez Fandiño).

Ver máis

Bases do concurso

Obxectivo

Impulsar a formulación e aplicación práctica de ideas innovadoras relacionadas co desenvolvemento rural, a conservación do medio ambiente ou a mellora da xestión territorial en sentido amplo en Galicia.

Concederanse dous premios, un primeiro e un segundo, co recoñecemento formal a través dun diploma acreditativo e unha contía económica de 2.000,00 € e 1.000,00 € respectivamente

Candidatos

a) Poden concorrer de forma individual, todas aquelas persoas que finalizaran a súa titulación universitaria nos últimos 5 anos.
b) De forma colectiva, dúas ou máis persoas poderán presentar os seus traballos a condición de que o primeiro asinante cumpra os criterios establecidos no punto anterior.

Aplica

Criterios de valoración

O Comité avaliador analizará a orixinalidade, así como a calidade científica e/o técnica da proposta. Considerando, entre outros aspectos, a súa aplicabilidade, a súa posible contribución no uso racional e sostible do territorio e dos recursos naturais, o grao de innovación social ou da gobernanza, a súa vinculación co desenvolvemento do medio rural e a mellora da calidade de vida.

Novas relacionadas

Aberto o prazo para concorrer á IX edición dos Premios Rafael Crecente

novas