membro

Marcos Boullón Magán é doutor en Ciencias Físicas pola USC e enxeñeiro Informático pola UNED. Ten publicacións no eido da computación de alto rendemento, programación paralela e sistemas distribuídos, así como en tecnoloxías de información xeográfica. Tamén participa activamente en congresos, cursos e proxectos nestas mesmas áreas. Fixo un traballo fin de carreira en optimización heurística aplicada á redistribución da terra, e unha tese de licenciatura en modelado do rendemento de código irregular en arquitecturas distribuídas complexas.

Logo de formarse no grupo de investigación Arquitectura de Computadores da USC, dende 2005 é membro do Laboratorio do Territorio onde desenvolve a súa actividade nunha contorna multidisciplinar enfocada na xestión sustentable da terra o do territorio. Hoxe en día as súas liñas principais de traballo son a programación e optimización de algoritmos de cálculo para o procesado de información con compoñente espacial, arquitecturas de programación en sistemas paralelos e distribuídos, procesado de grandes volumes de datos, deseño de bases de datos e computación segura.