Ordenación e transición territorial
A ordenación do territorio constitúe a base sobre a que articular a xestión e dinamización do territorio rural para afrontar os grandes retos demográficos, económicos e ambientais actuais. A nosa investigación céntrase na planificación territorial desde a perspectiva rural, partindo da análise das características, potencialidades e requirimentos propios destes territorios e cunha visión holística e integradora.
Con este obxectivo, as liñas de investigación inclúen diversas temáticas:
- A planificación espacial dos usos agroforestais sobre a base da aptitude física, socioeconómica e ambiental do territorio. A análise e modelización da evolución espacio-temporal dos usos do solo para o diagnóstico territorial.
- A análise e planificación dos núcleos rurais de poboación, incluíndo infraestruturas, servizos e equipamentos.
- A caracterización, avaliación e planificación da paisaxe.
- O desenvolvemento de sistemas de axuda á planificación territorial baseados en tecnoloxías da información xeoespacial e modelos de simulación e optimización espacial.
- O deseño e implementación de sistemas de participación pública e de ciencia cidadá destinados a acadar procesos de planificación territorial máis democráticos e inclusivos.
| Tipo | Ano | Liñas | Título e Autores |
|---|---|---|---|
| Publicación | 2013 | Ordenación territorialCiencia de xeodatos | Classification of rural landscapes from low-density lidar data: is it theoretically possible? 👤 Sandra Buján, Eduardo González-Ferreiro, Laura Barreiro-Fernández, Inés Santé, Eduardo Corbelle Rico, David Miranda |