TÉCNICO

Xurxo Loureiro Veira é Doutor Enxeñeiro de Montes pola Universidade de Santiago de Compostela coa tese “Escenarios futuros de seguridade alimentaria en Galicia nun contexto de cambio ambiental”, dirixida polo profesor Urbano Frá Paleo. Ten un máster en xestión sostible da terra e o territorio e un posgrao en xestión de empresas agoralimentarias. Durante a súa etapa profesional ten traballado en proxectos de concentración parcelaria, a loita contra incendios forestais e como xestor de exportacións no sector agroalimentario.

É membro do Laboratorio do Territorio (GI-1934 TB) dende 2016, onde na actualidade traballa como investigador asociado participando en proxectos de investigación relacionados coa xestión do territorio, a resiliencia forestal, a biogobernanza, os servizos ecosistémicos, a infraestrutura verde e o desenvolvemento rural. No laboratorio ten impartido cursos de Sistemas de Información Xeográfica, e organizado talleres, seminarios e grupos focais internacionais, multidisciplinares e participativos no marco de diferentes proxectos de investigación e para promover a innovación no sector rural en Europa.