técnico

Guillermina Fernández Villar é Enxeñeira Agrónoma pola Universidade de Santiago de Compostela.  

É membro do Laboratorio do Territorio e do Grupo de Investigación GI-1934 TB (Territorio e Biodiversidade) dende o ano 2024 como investigadora colaboradora e actualmente como investigadora predoutoral desde 2025. A súa tese doutoral céntrase no papel que as entidades de apoio do sector agrario comportan á hora de acompañar ás persoas recentemente incorporadas no mesmo e coñecidas como novas entrantes, contribuíndo de xeito global á investigación sobre a remuda xeracional agraria. Así mesmo colabora naqueles proxectos de investigación do grupo centrados na mesma temática. 

As súas futuras liñas de traballo céntranse na transferencia de coñecemento interxeracional en como a investigación-acción participativa pode contribuír á mesma e ao desenvolvemento da gobernanza territorial. Con todo, pretende investigar como os sistemas agroecolóxicos encaixan nun novo paradigma agrario onde a participación, co-creación e sustentabilidade global son primordiais, para endiante poder contribuír ao deseño de políticas e proxectos a nivel local e rexional que poidan soster ditos sistemas.